Сэтгэл минь чиний төлөө догдлож байсан нь саяхан
Сэрүүн зүүдэндээ чамайг үгүйлж өнждөг байсан минь ч үнэн
Сэтгэлээ илчлэхийг хүсэн догдлон хүлээж байсан ч
Сэргэлэн хоёр нүдэнд чинь хайр огт харагдсангүй ээ...
Чиний нүд надад "чи хэн ч биш" хэмээн өгүүлэхэд
Чимээгүй нулимс зүрхэнд мэгшин уйлах шиг болсон
Чиний харц надад "чи бусдын л адил" хэмээн хэлэхэд
Чамайг хайрлаж байсан хайр салхинд хийсэх шиг санагдсан..
Хайрыг чамаас нэхэх эрх байхгүйг мэдэж байсан учраас
Хамаагүй ээ, зөвхөн намайг бусдаас өөрөөр хараасай л гэж хүссэн
Хаяа ч болов намайг хараад инээмсэглэх нүдийг чинь хүлээсэн боловч
Харцнаас чинь би хайрыг мэдэрсэнгүй ээ, уучлаарай...